Dünya

Böyük Britaniyanın müdafiə naziri Con Qili Ukrayna prezidenti Vladimir Zelenskini İkinci Dünya Müharibəsi zamanı Böyük Britaniyanın baş naziri Uinston Çörçilllə müqayisə edib.

Xarici mediaya istinadla  xəbər verilir ki, Qili Norveçə səfəri zamanı fikirlərini bölüşüb.

Gili deyib ki, o, “Ukrayna prezidentinin ölkəsinə bağlılığını” görüb.

"O, seçilib. Ukraynanın lideri seçilib və Böyük Britaniyada İkinci Dünya Müharibəsi zamanı Uinston Çörçillin etdiyini edib - müharibə zamanı seçkiləri dayandırıb. Bizim vəzifəmiz ukraynalıların yanında olmaq, ukraynalıları dəstəkləmək, onların mübarizəsində onlara dəstək olmaqdır. Əgər danışmaq qərarına gəlsələr, danışıqlarda onlara dəstək olaq", - o vurğulayıb.

Britaniyalı nazir öz müqayisəsini ABŞ prezidenti Donald Trampın ukraynalı həmkarı ilə bağlı səsləndirdiyi qalmaqallı açıqlamalardan sonra edib. Bundan əlavə, Qili Ağ ev rəhbərinin Zelenskinin “qeyri-qanuniliyi” ilə bağlı bəyanatı ilə razılaşmadığını bildirib.

"Bu (Vladimir Zelenski - red.) öz ölkəsinə sadiq bir insandır, ölkəsinə rəhbərlik edib və indi də ona rəhbərlik edir", - Britaniya Müdafiə Nazirliyinin rəhbəri vurğulayıb.