İqtisadiyyat

Belarus Azərbaycanla birgə istehsal sahəsində investisiya əməkdaşlığını fəal şəkildə inkişaf etdirməyə davam edir.

Bunu Belarusun Azərbaycandakı səfiri Dmitri Pineviç Azərbaycan–Belarus biznes forumunun açılışı zamanı bildirib.

Diplomat qeyd edib ki, hazırda ixrac-investisiya layihəsi çərçivəsində həyata keçirilən sahələrdən biri yenilənmə mərhələsindədir.

“Biz beynəlxalq sənaye forumlarının və platformalarının bir hissəsinə çevriləcək birgə müəssisələrin yaradılmasına çalışırıq. Bu, uzunmüddətli əməkdaşlığın və istehsal potensialının möhkəmlənməsinin əsasını qoyur”, - deyə səfir vurğulayıb.

Diplomat əlavə edib ki, yenilənmiş investisiya layihələri dayanıqlı inkişafı və müasir texnologiyaların tətbiqini nəzərdə tutur ki, bu da istehsalın səmərəliliyini artırmağa və xərcləri azaltmağa imkan verəcək.