Siyasət

Türkiyə və Şimali Kipr Türk Cümhuriyyətinin (ŞKTC) aparıcı informasiya agentlikləri, qəzetləri, xəbər saytları və televiziya kanalları Azərbaycan Prezidenti İlham Əliyev ilə ABŞ-ın Vitse-prezidenti Cey. Di. Vens arasında Bakıda keçirilən danışıqların nəticələrini geniş şəkildə işıqlandırıb.

Qardaş ölkələrin mediası Azərbaycan-ABŞ Strateji Tərəfdaşlıq Xartiyasının imzalanmasına diqqət yetirib, sənədi Bakı ilə Vaşinqton arasında dialoqda “strateji addım” adlandırıb.

Prezident İlham Əliyevin və ABŞ Vitse-prezidentinin bəyanatlarından sitatlar da təqdim olunub.

Əsas diqqət Azərbaycan liderinin Tramp administrasiyasının TRIPP (Beynəlxalq Sülh və Rifah naminə Tramp Marşrutu) layihəsinin həyata keçirilməsi səyləri ilə bağlı fikirlərinə yönəldilib.

Materiallarda Cey. Di. Vensin Vaşinqton-Bakı tərəfdaşlığının regionda sülhün və rifahın möhkəmləndirilməsinə verdiyi töhfə ilə bağlı fikirləri də yer alıb.