Sosial

“Pearson VUE” təşkilatının kompüterəsaslı rəsmi test mərkəzi olan Dövlət İmtahan Mərkəzi (DİM) vətəndaş müraciətlərini nəzərə alaraq, bu təşkilatın razılığı əsasında iyunun 3-ü, 10-u və 20-si imtahan təqviminə əlavə edib.

DİM-dən bildirilib ki, qeydiyyat prosesi “Pearson VUE” təşkilatı tərəfindən həyata keçirilir. İmtahanda iştirak etmək üçün “Pearson VUE” rəsmi saytı vasitəsilə hesab yaratmaq lazımdır. Daha sonra imtahan veriləcək proqram seçilərək şəxsi kabinetə daxil olmaqla qeydiyyat tamamlanır. Qeydiyyat zamanı imtahan mərkəzi olaraq “Azerbaijan Republic State Examination Center” seçilməlidir. Test mərkəzi seçildikdən sonra DİM-də mövcud olan imtahan tarixləri və digər məlumatlarla tanış olmaq mümkündür.

Project Management Institute (PMP) imtahanının formatı iyulun 9-dan etibarən dəyişəcək.