Yazarlar

Azərbaycan Milli Kitabxanasında akademik Muxtar İmanovun anadan olmasının 70 illik yubileyi ilə əlaqədar kitab sərgisi açılıb.

Milli Kitabxanadanbildirilib ki, sərgidə akademikin əsərləri, tərtibçi, rəyçi, ön sözün müəllifi, layihə rəhbəri, məsləhətçisi və redaktoru olduğu əsərlər, həyatı, elmi fəaliyyəti və yaradıcılığı haqqında kitablar nümayiş olunur.

Akademik Muxtar İmanov ədəbiyyatşünaslıq və folklorşünaslığa aid dəyərli əsərlərin - “Müasir Azərbaycan nəsrində psixologizm”, “Gülüşün arxaik kökləri”, “Xalq gülüşünün poetikası”, “Folklorda obrazın ikiləşməsi”, “Epos. Nəsr. Problemlər”, “Portretlər”, “Folklor həm keçmiş, həm də bu gündür”, “Sənət qayğıları”, “Azərbaycan folklorunda gülüşün genezisi və poetikası”, “Söz haqqında söz” və 200-dən artıq elmi məqalənin, çoxsaylı publisistik yazıların müəllifidir.

Folklorun toplanması və nəşr edilməsi ilə də ardıcıl məşğul olan alim bu sahədə bir çox kitabların, o cümlədən “Bu yurd bayquşa qalmaz”, “Zəngəzur folkloru” (Azərbaycan folkloru antologiyası. VII kitab. 2005), “Şərur folklor örnəkləri” (I kitab, 2016), “Gədəbəy folklor örnəkləri” (I kitab, 2016), 10 cildlik “Qarabağ: folklor da bir tarixdir” (2012–2017) və 10 cildlik “Güney Azərbaycan folkloru” (2013–2020) toplularının layihə rəhbəri və tərtibçilərindən biridir.